Պայմանավորվածություն՝ Հայաստանի և Ադրբեջանի միջև
Հայաստանի և Ադրբեջանի միջև ձեռք է բերվել համաձայնություն՝ Ադրբեջանի տարածքով հեղուկ գազի և բիտումի երկաթուղային փոխադրումների իրականացման վերաբերյալ։
Այս մասին հայտարարել է ՀՀ էկոնոմիկայի նախարար Գևորգ Պապոյանը՝ նշելով, որ այդ հնարավորությունից արդեն կարող են օգտվել նաև հայ գործարարները։
Հիշեցնենք՝ դեկտեմբերի 19-ին նախարարն իր ֆեյսբուքյան էջում հայտնել էր Հայաստան-Վրաստան սահմանը հատած ադրբեջանական ծագման բենզինի ներմուծման մասին։ Այրում կայարանի միջոցով Հայաստան էր մուտք գործել 1300 տոննա ծավալով բենզին։
Ադրբեջանական բենզինի ներմուծումն իրականացրել են երկու ընկերություն՝ «Մեգա Թրեյդ»-ը և «Շիշա ուորլդ»-ը։ Այն հասանելի է Ran Oil բենզալցակայանների ցանցում։