Սյունիքի մարզում բնակչությունը 2024 թվականի դրությամբ նվազել է
Վերջին տարիներին Սյունիքի մարզում արձանագրվել է բնակչության զգալի նվազում։ Կապանում, Գորիսում, Սիսիանում և այլ տարածաշրջաններում 2020-2024 թվականներին բնակչության անկման ցուցանիշները փաստում են, որ մարզը կանգնած է լուրջ մարտահրավերների առաջ։ Եթե 2020 թվականին Սյունիքի բնակչությունը 137 հազար էր, ապա արդեն 2024 թվականի տվյալներով՝ թիվը հասել է 116 հազարի։
Համաձայն պաշտոնական տվյալների՝ Կապանում բնակչությունը 2020 թվականին կազմել է մոտ 42 հազար մարդ։ 2024 թվականին թիվը նվազել է 21.3%-ով և հասել 33 հազարի։ Գորիսում բնակչությունը 20 հազարից հասել է 17 հազարի։ Նույն իրավիճակն է նաև մարզի մյուս տարածաշրջաններում։ Ամենաքիչ անկումը գրանցվել է Քաջարանում՝ մոտ 5․9%։
Բնակչության նման անկումը կարելի է կապել 44-օրյա պատերազմի և 2023 թվականի սեպտեմբերյան դեպքերի հետ։ Արցախում արոտավայրերի կորստից հետո մարդիկ հիմնականում թողել են գյուղերը և աշխատանք փնտրել կա՛մ Երևանում, կա՛մ արտերկրում։ Ներկայումս մարզի մի շարք գյուղեր գտնվում են մինչև անգամ 200 մետր հեռավորության վրա։ Կապանից բնակչության նման արտագաղթի պատճառ կարող է լինել նաև այն, որ որոշ գյուղերում նաև ադրբեջանական դրոշներ են բարձրացված և գյուղի մի մասում կանգնած են ադրբեջանցիները, մյուսում՝ հայերը (օրինակ՝ Շուռնուխ գյուղը)։
Այնուամենայնիվ բնակչության թվի անկումը մեծ խնդիրներ կարող է առաջացնել սահմանամերձ շրջաններում։