Գեղարքունիքի մարզում կառուցվել են ոռոգման և խմելու ջրի ցանցեր

Գեղարքունիքի մարզի Մարտունի համայնքում 2024 թվականի ծրագրով ավարտին են հասել մի շարք բնակավայրերի ոռոգման և խմելու ջրի ցանցերի կառուցման աշխատանքները։

Վաղաշեն բնակավայրում կառուցվել է ոռոգման ջրատարի ներքին ցանց։ Այն ունի 1460 մետր երկարություն։ Ցանցը նախատեսված է գյուղի տնամերձ հողամասերի 30 տոկոսը ոռոգելու համար։

Արծվանիստ բնակավայրում կառուցվել է 9000 մոտր երկարությամբ խմելու ջրագիծ։ Ինչպես նշում են համայնքապետարանից՝ գյուղում խմելու ջրի խնդիր միշտ եղել է։

Դեռևս 1951 թվականից շահագործվող, սարերից իջնող խմելու ջրի ասբեստյա խողովակաշարը հնացել էր՝ ուներ կոտրված հատվածներ և ներսից աճող մամուռի զանգվածները բազմաթիվ խցանումներ էին առաջացնում։ Բնակիչնեը թիվ մեկ կենսական խնդիր էին համարում խմելու անորակ ու սակավ ջրի հանգամանքը, — նշել են համայնքապետարանից։

Նոր կառուցված ջրագիծը շահագործման կհանձնվի մոտ օրերս։