Հենրիխ Մխիթարյանը ինքնակենսագրական գիրք է սկսել գրել
Հայաստանի ազգային հավաքականի նախկին ավագ և «Ինտերի» ներկայիս կիսապաշտպան Հենրիխ Մխիթարյանը խոստովանել է, որ սկսել է ինքնակենսագրական գիրք գրել։ Մխիթարյանը հարցազրույց է տվել իտալական Corriere della Sera օրաթերթին՝ խոսելով նաև կրթության, լեզուների իմացության, ինչպես նաև հոր կորստի և ընտանիքի կարևորության մասին։
Հայ ֆուտբոլիստը նշել է, որ իր կարիերայի մասին դեռ շատ բան ունի պատմելու և կուզի, որ դրա մասին իմանան շատերը։ Մխիթարյանը պատմել է նաև իր ինքնաքննադատական հատկանիշի մասին։ Ուկրաինայում խաղալու տարիներին կիսապաշտպանը հանդիպումից հետո անջատում էր հեռախոսը և միայն վերլուծում իր խաղն ու քննադատում իրեն։
Հենրիխը պատմել է առանց հոր մեծանալու մասին․
Առանց հոր մեծանալը շատ դժվար էր և այսօր էլ դժվար է. կարոտում եմ նրան, կուզենայի նա կողքիս լիներ, որպեսզի հարցնեի շատ բաներ, որոնք կարող էին օգնել ինձ կյանքում: Բարեբախտաբար, մայրս նաև հայրիկի դեր է կատարել, և ես շատ երախտապարտ եմ նրան իմ դաստիարակության համար։
Այն հարցին, թե կարիերայի ավարտից հետո մարզչական կարիերա կսկսի, Մխիթարյանը նշել է, որ գրքում կասի։