Շախմատի աշխարհի առաջնության առաջին խաղում Դին Լիրենը հաղթեց Գուկեշ Դոմարաջուին
Շախմատի 2024 թվականի աշխարհի չեմպիոնի կոչման համար չինացի Դին Լիրենը առաջին խաղափուլում հաղթեց հնդիկ Գուկեշ Դոմարաջուին։ Աշխարհի գործող չեմպիոնը 42-րդ քայլին սևերով հաղթանակի է հասել։
Սա Դինի առաջին հաղթանակն է դասական շախմատում 2024 թվականի հունվարի 27-ից ի վեր: Վերջին անգամ աշխարհի առաջնության առաջին խաղն ավարտվել է հաղթանակով 2010 թվականին: Այդ խաղում Վիշի Անանդը պարտվեց Վեսելին Տոպալովին, բայց դարձավ չեմպիոն։
Գուկեշը ՖԻԴԵ-ի դասակարգման աղյուսակում զբաղեցնում է հինգերորդ տեղը՝ 2783 վարկանիշով, իսկ Դինը 23-րդն է՝ 2728 վարկանիշով:
Նոյեմբերի 25-ից դեկտեմբերի 13-ը ուժեղագույն շախմատիստները կպայքարեն աշխարհի չեմպիոնի տիտղոսի համար։ Սպասվում է 14 պարտիա։ Եթե այդ ընթացքում հաղթողը պարզ չդարձավ, ևս մեկ պարտիա է լինելու։
2023 թվականի աշխարհի չեմպիոնի տիտղոսը նվաճել է Դին Լիրենը՝ թայ-բրեյքի չորրորդ տուրում հաղթանակի հասնելով։ Նա միակ չինացի շախմատիստն է, ով հասել է այս արդյունքին։