Հանրային տրանսպորտում բռնության հերթական դեպքը․ վարորդը հարված է ստացել ուղևորից
Երևանում արձանագրվել է հերթական մտահոգիչ միջադեպը հանրային տրանսպորտում։ Հուլիսի 15-ին, ժամը 19:30-ի սահմաններում, թիվ 5 երթուղին սպասարկող ավտոբուսում տեղի է ունեցել անկարգություն, որի հետևանքով վարորդը ֆիզիկական բռնության է ենթարկվել։ Այս մասին տեղեկացնում է «Երևանի ավտոբուս» ՓԲԸ խոսնակ Գեղամ Ասատրյանը։
Միչադեպը տեղի է ունեցել Մաշտոցի պողոտայի և Պուշկինի խաչմերուկի հատվածում։ Տեսանյութում, որը լայն տարածում է ստացել համացանցում, նկատվում է, թե ինչպես տղամարդ ուղևորը ենթադրյալ անպարկեշտ վարք է դրսևորում կին ուղևորների նկատմամբ, ինչի արդյունքում ավտոբուսում բարձր աղմուկ է սկսվում։
Վարորդը, արձագանքելով կատարվածին, կանգնեցնում է ավտոբուսը և պահանջում է, որ նա ու իր ուղեկիցը իջնեն տրանսպորտային միջոցից։
Հենց այդ պահին էլ վարորդը հարված է ստանում տղամարդկանցից մեկի կողմից։ Չնայած ստացած վնասվածքին՝ վարորդը չի շարունակում երթևեկությունը մինչև վերջիններս ամբողջությամբ դուրս չեն գալիս ավտոբուսից։
Վերջին ամիսներին Երևանի ավտոբուսներում հաճախակի են դարձել վարորդների կամ ուղևորների նկատմամբ բռնության կամ անհարգալից վերաբերմունքի դեպքերը։ Դրանց մի մասը արձագանքի է արժանանում, սակայն խնդիրը համակարգային լուծում դեռ չի ստացել։