Հայաստան

Ճանապարհային դեպարտամենտը տեղեկացնում է, որ Դիլիջանի թունելը փակ կլինի օգոստոսի 21-ին՝ ժամը 20:00-ից մինչև օգոստոսի 23-ը՝ ժամը 08:00։ Պատճառը միջին նորոգման աշխատանքներն են, որոնք իրականացվում են թունելի երթևեկելի հատվածում։

Կառավարությունը փոխեց 2024-ի մայիսյան հեղեղումներից տուժածների փոխհատուցման կարգը։ Եթե նախկինում յուրաքանչյուր կորցրած քմ-ի դիմաց տրվում էր մոտ 148 հազար դրամ, ապա հիմա այդ գումարը դարձել է 180 հազար դրամ։

Շենգավիթում գտնվող «Երևանի էլեկտրատրանսպորտ» ՓԲԸ-ի վարչական և վերանորոգման շենքերը, որոնք կառուցվել էին դեռևս 1950-ականներին, վերջապես կհիմնանորոգվեն։ Կառավարությունը հաստատեց նախագիծը, ըստ որի՝ ավերված ու վթարային վիճակում գտնվող շենքերը կվերականգնվեն։

Երևանի քաղաքապետարանը հայտնում է, որ վերջին երկու օրերին հանրային տրանսպորտում տոմս չվճարելու, այլ անձի արտոնությունից օգտվելու և վճարումից խուսափելու համար կազմվել է մոտ 90 արձանագրություն։