Հայաստան

ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունը հայց է ներկայացրել դատարան՝ Բելգիայում ՀՀ նախկին դեսպան, նախկին արտգործնախարար Ավետ Ադոնցից և նրա հետ փոխկապակցված անձանցից հօգուտ Հայաստանի Հանրապետության բռնագանձելու գույքային արժեքներ։

Թուրքիայում ԱՄՆ դեսպան Թոմ Բարաքը հայտարարել է, որ ամերիկյան մասնավոր ընկերությունը կարող է ստանձնել Սյունիքի ճանապարհի կառավարումը՝ Բաքվի և Երևանի միջև խաղաղության բանակցությունները առաջ մղելու համար։ Սրա մասին հայտնել է Middle East Eye-ը։

Եվրամիությունը պատրաստվում է մինչև 2.5 միլիարդ եվրո ներդրում անել Հայաստանում։ ԵՄ-ն նպատալ ունի աջակցել երկրի տնտեսական զարգացմանը, ենթակառուցվածքների վերանորոգմանը և սոցիալական կայունությանը։ Սրա մասին հայտարարվել է Հայաստանի վարչապետ Նիկոլ Փաշինյանի, Եվրոպական խորհրդի նախագահ Անտոնիո Կոստայի և Եվրահանձնաժողովի նախագահ Ուրսուլա ֆոն դեր Լեյենի եռակողմ հանդիպումից հետո։

«Տաշիր» խմբի հիմնադիր ու ղեկավար Սամվել Կարապետյանը, ով այս պահին կալանավորված է Հայաստանում, հայտարարել է նոր քաղաքական ուժ ձևավորելու մտադրության մասին։ Սա նրա առաջին ուղերձն է հանրությանը՝ կալանավորումից հետո։ Կարապետյանը շեշտում է՝ նպատակ ունի ձևավորել սկզբունքային նոր թիմ, որն ունենալու է իր տեսլականը Հայաստանի ապագայի վերաբերյալ։

Ամերիկայի հայ համայնքը կրկին փողոցում է։ Այս անգամ՝ Կալիֆոռնիայի Գլենդել քաղաքում, Հայաստանի գլխավոր հյուպատոսարանի դիմաց։ Ակցիայի մասնակիցներն ահազանգում են՝ Հայաստանում վտանգված է ոչ միայն Հայ առաքելական եկեղեցին, այլև՝ ազգային ինքնությունը։