Տնտեսություն

Երկօրյա դադարից հետո հուլիսի 26-ին՝ ժամը 13։40-ից, Հայաստանում վերականգնվել է բնական գազի մատակարարումը։ Սրա մասին հայտնում է «Գազպրոմ Արմենիա» ընկերությունը։

Նախատեսվում է 12 միլիոն եվրո հատկացնել Վայոց ձորի մարզում Արենիի գինու կլաստերի զարգացման համար: Սրա մասին հայտարարել է Հայաստանի էկոնոմիկայի նախարար Գևորգ Պապոյանը:

Հայաստանում գործող բրոքերներն ու դիլերները շուտով հնարավորություն կունենան աշխատել նաև Եվրասիական տնտեսական միության (ԵԱՏՄ) երկրների բորսաներում։ Կառավարությունը հավանություն է տվել մի համաձայնագրի, որի շնորհիվ հայկական ֆինանսական կազմակերպությունները կկարողանան իրենց հաճախորդների անունից գնել ու վաճառել արժեթղթեր ու ֆինանսական գործիքներ՝ ոչ միայն Հայաստանում, այլև՝ Ռուսաստանում, Բելառուսում, Ղազախստանում և ԵԱՏՄ անդամ մյուս պետություններում։

Վրաց-ռուսական սահմանին՝ «Վերին Լարսի» անցակետի տարածքում, օրերով կանգնած են ավելի քան 1300 հայկական բեռնատարներ։ Մեքենաների երկար հերթերն աճում են գրեթե ամեն ժամ, իսկ բեռնափոխադրողներն այս օրերին կանգնած են ճանապարհին։

«Հայաստանի էլեկտրական ցանցեր» (ՀԷՑ) ՓԲԸ-ի գործադիր տնօրենի պաշտոնակատար և վաճառքի տնօրեն Դավիթ Ղազինյանը հայտարարել է, որ չի պլանավորում հրաժարականի դիմում գրել:

Ավելի վաղ ՀԷՑ-ի ժամանակավոր պետական կառավարիչ Ռոմանոս Պետրոսյանը հայտարարել էր, որ Ղազինյանը կազատվի իր պաշտոնից, քանի որ նա «այն մարդկանցից մեկն է, որոնց պատճառով ՀԷՑ-ը հայտնվել է այս իրավիճակում»։

Հայաստանում այս տարվա հունվար-մայիս ամիսներին արտադրված 3 միլիարդ 992 միլիոն կիլովատ ժամ էլեկտրաէներգիայից շուրջ 567 միլիոնը կամ 14.2 %–ը արևային կայանների շնորհիվ է արտադրվել։ Նախորդ տարվա նույն ժամանակահատվածի համեմատ աճը կազմել է 74.1%։

Հայաստանի և Իրանի հարաբերությունները վերջին տարիներին դարձել են ոչ միայն բարիդրացիական, այլև ակտիվ տնտեսական համագործակցության օրինակ։ Այժմ երկու երկրների միջև տարեկան առևտրաշրջանառությունը մոտենում է 1 միլիարդ դոլարի ցուցանիշին։

Հայաստանի կառավարությունն այսօր որոշում է կայացրել վերջնականապես փակել տարիներ առաջ չկայացած երկաթգծի կառուցման նախագիծը։ Դեռ 2013 թվականին Հայաստանը ներդրումային համաձայնագիր էր կնքել Դուբայում գրանցված «Rasia FZE» ընկերության հետ։ Ընկերությունը խոստանում էր ֆինանսավորել Իրան-Հայաստան երկաթգծի կառուցումը։ Այն կօգներ Հայաստանին տարանցիկ դեր ունենալ։

Հայաստանի երկրորդ քաղաքը՝ Գյումրին, շուտով կարող է զգալիորեն ակտիվանալ օդային հաղորդակցության տեսանկյունից։ Ռուսական խոշոր ավիաընկերությունները՝ «Աերոֆլոտն» ու դրա դուստր ընկերություն «Ռոսիան», ստացել են պաշտոնական թույլտվություններ Գյումրիի «Շիրակ» օդանավակայան թռիչքներ իրականացնելու համար։ «Աերոֆլոտը» կթռչի Միներալնիե Վոդիից, «Ռոսիան»՝ Սոչիից։

ՀՀ կառավարությունն այսօր որոշում ընդունեց՝ մինչև 6 ամսով հետաձգել 2022–2023 թվականներին խաղողի մթերման համար տրամադրված արտոնյալ վարկերի մարման ժամկետները։