Տնտեսություն

Իրանի Արտաքին գործերի նախարար Աբբաս Արաղչին Հայաստանում է։ Մարտի 25-ին Հայաստանի ԱԳ նախարար Արարատ Միրզոյանը հանդիպել է իրանցի իր գործընկերոջը։ Նախարարների հանդիպման ընթացքում քննարկվել են բեռնափոխադրումների պարզեցման հարցերը, ներառյալ մաքսային տուրքերի փոփոխությունները։

Հայաստանի կենտրոնական բանկն առևտրային բանկերի հետ համատեղ կուսումնասիրի առցանց վարկերի հետ կապված խարդախության դեպքերը։ ԱԺ ֆինանսավարկային հանձնաժողովի նիստում ԿԲ նախագահ Մարտին Գալստյանը նշեց, որ շատ քաղաքացիներ, հատկապես «Ռոքեթ լայն» վարկային ծառայության միջոցով, դարձել են խարդախության զոհ՝ պարզելով, որ իրենց անունով վարկեր են ձևակերպվել։

​Հայաստանը 2025 թվականի մարտի 16-ից պաշտոնապես իրավունք է ստացել արտահանել բարձրորակ ջրային կուլտուրաներ՝ թեփուկավոր ձկներ և դրանցից ստացված մթերքներ, այդ թվում՝ խավիար և ձկնկիթ, դեպի Եվրոպական միության (ԵՄ) երկրներ։ ​Գործընթացը սկսվել էր դեռևս 2011 թվականին և հաջողությամբ ավարտվել է։​

Հայաստանի կառավարությունը քննարկում է «Հայկական բաստուրմա», «Հայկական մածուն» և այլ ապրանքների համար ազգային աշխարհագրական նշումների գրանցումն ու պաշտպանությունը։

Հայաստանի պետական բյուջեն 2024-ին կատարվել է բարձր ցուցանիշով։ Ֆինանսների նախարար Վահե Հովհաննիսյանի խոսքով՝ բյուջեի եկամուտները կազմել են 95.8%, որից հարկային եկամուտներն ու պետական տուրքերը՝ 92.7%։ Ծախսերն իրականացվել են 93.9%-ով, ինչը 2023-ի համեմատ 16%-ով ավելի է։

Հայաստանի Արամավիրի մարզի Էջմիածին համայնքի Շահումյան փողոցի 76 հասցեում գործող բենզալցակայանը և հեղուկացված գազի լցակայանը կապարանակնքվել և փակվել են։

Հայկական ընկերությունները արտոնություններ կստանան տեղական հումքից մետաղական իրերի արտադրության համար, ինչպիսիք են կաղապարներն ու կիսահումքերը

ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը տեղեկացրել է, որ Քաղաքացիական ավիացիայի միջազգային կազմակերպության (ICAO) իրականացրած աուդիտի ընթացքում արձանագրված 41 թերություններն արդեն շտկվել են:

Հայաստանի Հանրապետության կառավարության և Չինաստանի Ժողովրդական Հանրապետության Հոնկոնգի հատուկ վարչական շրջանի կառավարության միջև ստորագրվել է եկամուտների կրկնակի հարկումը բացառելու և հարկումից խուսափելը կանխելու մասին համաձայնագիր:

Եվրասիական տնտեսական հանձնաժողովի (ԵՏՀ) և Իրանի միջև 2025 թվականի մայիսի 15-ից կսկսի գործել ազատ առևտրի համաձայնագիրը։ Այն կնպաստի ԵԱՏՄ-ի և Իրանի միջև առևտրի աճին։ Այն կողմերի միջև առևտրաշրջանառությունը կհասցնբնի12 միլիարդ դոլարի, ինչը կրկնակի կգերազանցի նախորդ տարվա ցուցանիշը։