Քաղաքականություն

Կառավարությունն հուլիսի 10-ին որոշեց դադարեցնել Արմավիրի մարզի Վաղարշապատ համայնքի ավագանու լիազորությունները։

Ազգային ժողովի ընդդիմադիր «Հայաստան» խմբակցության պատգամավոր Արթուր Սարգսյանը կալանավորվեց 2 ամսով։ Դատական նիստը տեղի ունեցավ Ավան և Նոր Նորք վարչական շրջանների ընդհանուր իրավասության դատարանում։ Դատավորն ընդունեց ինչպես կալանավորման, այնպես էլ տեսակցությունների սահմանափակման վերաբերյալ քննիչի միջնորդությունները։

«Բարգավաճ Հայաստան» կուսակցության նախագահ Գագիկ Ծառուկյանը երեկ այցելել է Հակակոռուպցիոն կոմիտե։ Թե ինչ գործով ու ինչ կարգավիճակով, կոմիտեն պաշտոնապես չի հայտնում, սակայն նշվում է, որ Ծառուկյանը հարցաքննվել է որպես վկա։

Հայաստանի ու Ադրբեջանի ղեկավարները կրկին հանդիպելու են։ Այս անգամ՝ հուլիսի 10-ին, Աբու Դաբիում։ Տեղեկությունը տարածել է Հայաստանի վարչապետի աշխատակազմը՝ նշելով, որ Նիկոլ Փաշինյանը մեկնում է Արաբական Միացյալ Էմիրություններ՝ աշխատանքային այցով։

«Հայաստան» խմբակցության ղեկավար Սեյրան Օհանյանին մեղադրանք է առաջադրվել։ Նա այդ մասին հայտնեց լրագրողներին ՀՀ քննչական կոմիտեում հարցաքննվելուց հետո։

Ազգային ժողովը փակ քվեարկությամբ միաձայն (62 կողմ, 0 դեմ) համաձայնություն տվեց ընդդիմադիր «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելու մասին գլխավոր դատախազ Աննա Վարդապետյանի միջնորդագրին։

Հայաստանում վերջին շաբաթներին սրվող պետություն-եկեղեցի հարաբերությունները դուրս են եկել երկրի սահմաններից։ Եկեղեցիների համաշխարհային խորհուրդը (ԵՀԽ) պաշտոնական հայտարարությամբ իր մտահոգությունն է հայտնել Հայ առաքելական եկեղեցու նկատմամբ վերջին զարգացումների կապակցությամբ՝ կոչ անելով իշխանություններին հարգել կրոնական ազատությունը և զերծ մնալ հոգևորականների նկատմամբ ճնշումներից։

Ազգային ժողովում հուլիսի 8-ին իրավիճակը լարվեց այնքան, որ հայհոյախառն վիճաբանությունը վերածվեց ծեծկռտուքի։