Քաղաքականություն

Հայաստանի Ազգային ժողովը 57 կողմ, 0 դեմ և 0 ձեռնպահ ձայներով ընդունեց «Քաղաքացիական պայմանագիր» կուսակցության առաջարկած օրինագիծը։ ԱԺ-ին հաստատեց «Բռնության ճանապարհով պետական իշխանությանը տիրանալու անթույլատրելիության և ժողովրդավարության պաշտպանության մասին» օրինագիծը։ Ընդդիմությունը քվեարկությանը չի մասնակցել։

Միքայել արքեպիսկոպոս Աջապահյանի պաշտպանական խումբը հուլիսի 3-ին հատուկ վերանայման բողոք է ներկայացրել Վերաքննիչ քրեական դատարան՝ վիճարկելով առաջին ատյանի դատարանի կողմից հունիսի 28-ին կայացված կալանքի որոշումը։

Հայաստանի արդարադատության նախարար Սրբուհի Գալյանը հայտնել է, որ Սահմանադրական բարեփոխումների առաջին նիստը կկայանա երկու շաբաթ անց։ Նիստի նպատակը Սահմնադրության մեջ առկա գաղափարական հիմնադրույթների մասին քննարկումն է։ Դրա ընթացքում ամբողջությամբ կմշակվի այն ու կհաստատվի։

Հայաստանի արտաքին գործերի նախարարությունը հայտնել է, որ Հայաստանը ցանկանում է դառնալ Շանհայի համագործակցության կազմակերպության անդամ։ Կազմակերպությունն ունի 10 անդամ։ Հայաստանը համարվում է կազմակերպության գործընկեր։ Համագործակցության գործընկերների թվում են նաև հարևան Թուրքիան ու Ադրբեջանը։ Իրանը համագործակցության անդամ է։

«Քաղաքացիական պայմանագիր» խմբակցությունը շրջանառության մեջ է դրել Ազգային ժողովի հայտարարության նախագիծ, որը վերաբերում է պետական իշխանությանը բռնությամբ տիրանալու փորձերին և ժողովրդավարության պաշտպանությանը։ Այս մասին տեղեկությունը հրապարակվել է Ազգային ժողովի պաշտոնական կայքում։