Սպորտ

Հայաստանի մարմնամարզության տղամարդկանց ընտրանին աշխարհի գավաթի խաղարկության երրորդ փուլին կմասնակցի երկու մարզիկով: Թուրքիայի Անթալիա քաղաք մրցման կմեկնեն օլիմպիական խաղերի արծաթե և բրոնզե մեդալակիր, աշխարհի և Եվրոպայի չեմպիոն Արթուր Դավթյանը և Եվրոպայի կրկնակի փոխչեմպիոն, Եվրոպական խաղերի փոխչեմպիոն, աշխարհի գավաթակիր Վահագն Դավթյանը։

Հայաստանի ֆուտբոլի ֆեդերացիայի ու ֆուտբոլասեր հանրության շրջանում հակասությունը մեծանում է։ «Հայկական առաջին ճակատը» և ֆուտբոլսերները դեռևս նախորդ տարվանից պահանջում են գործող ղեկավարության հրաժարականը։ Երկրպագուները Fastex Հայաստանի Պրեմիեր լիգայի հանդիպումներին շարունակում են բոյկոտել։ Վերջերս ներքին առաջնության 21-րդ տուրի «Փյունիկ» — «Արարատ-Արմենիա» (1:2) հանդիպման ժամանակ ձերբակալվեցին 9 հայ երկրպագուներ հանդիպման ժամանակ ակցիաներ կազմակերպելիս։

Հայաստանի կանանց հավաքականը կմասնակցի մարտի 8-16-ը Սերբիայում կայանալիք բռնցքամարտի աշխարհի առաջնությանը։

Ալբանիայի մայրաքաղաք Տիրանայում այսօր մեկնարկած Մ23 տարեկան ազատ ոճի ըմբիշների Եվրոպայի առաջնությունում 97 կգ քաշային Սերգեյ Սարգսյանը 11։3 հաշվով պարտության է մատնել ադրբեջանցի Աբդուլա Շաբանովին։