#Երևան

Երևանի քաղաքապետ Տիգրան Ավինյանն ընդունում է՝ մայրաքաղաքում ջրի հաճախակի անջատումներն իսկապես դարձել են լուրջ խնդիր։ Ազնավուրի հրապարակում լրագրողների հետ զրույցում նա ասաց, որ լիովին համակարծիք է այն երևանցիների հետ, ովքեր օրեցօր դժգոհում են ջրամատակարարման անհիմն ընդհատումներից։

Երևանի Վարդաշեն թաղամասի 68Ա և 66/1 հասցեներում գտնվող հանրակացարանների բնակիչները հուլիսի 17-ին հավաքվել էին կառավարության շենքի դիմաց՝ պահանջելով ուշադրություն դարձնել իրենց բնակելի շենքերի վթարային վիճակի վրա։

Երևանի տարբեր վարչական շրջաններում առաջիկայում նախատեսվում է կոյուղատար համակարգերի լայնածավալ վերակառուցում։

Երևանի հաշվառման քննական ծառայությունում գործարկվել է հերթագրման հիբրիդ նոր համակարգը՝ թվայինը համադրելով հերթի հետ։ Քաղաքացին գրանցումից հետո ստանում է 4 նիշանոց կոդ, իր սահմանված ժամին ժամանում է մեր հաշվառման քննական ծառայություն, հավաքելով կոդը՝ սպասարկվում է անմիջապես իրեն տրված ժամին համապատասխան, որը արդեն ինքը գիտի նախօրոք։

Երևանում Կասկադի հարակից շենքերը կլուսավորվեն, «Վերածնված Հայաստան» հուշարձանի տարածքը կբարեկարգվի, Թամանյան փողոցի 2 հատվածներում արգելափակոցներ կտեղադրվեն, որ ավտոմեքենաների մուտքը որոշ ժամերի սահմանափակվի ու փողոցը դառնա հետիոտնային։ Այս աշխատանքներն իրականացնելու համար Կենտրոն վարչական շրջանում փոխըմբռնման հուշագիր են ստորագրել Կենտրոնի ղեկավարն ու «Ջի Թի Բի Հոլդինգս» ընկերության տնօրենը։

Մաշտոցի պողոտայից դեպի Խորենացի փողոց, այնուհետև Բեյրութի, Արգիշտիի և Իտալիայի փողոցներ առանձնացված նոր ավտոբուսային գիծը երթևեկության դժվարություններ է առաջացրել անձնական մեքենաներով վարորդների համար։ Շատ վարորդներ նշում են՝ խցանումներ են առաջանում հատկապես առավոտյան և երեկոյան ժամերին։ Վարորդներից մեկն էլ, որ 20 տարուց ավելի մեքենայի ղեկին է, շեշտեց` ճանապարհներն այդքան ծանրաբեռնված երբևէ չեն եղել։

Utair ավիաընկերության Մոսկվա-Երևան չվերթի ուղևորները ստիպված են եղել կես օրով ուշանալ։ Օդանավը, որը պիտի ժամաներ Երևան, թռիչքից 2,5 ժամ անց վերադարձել է «Վնուկովոյի» օդանավակայան։