արտահանում

Հայաստանի արտահանման ծավալները 2025 թվականի հունվարից հուլիս ընկած ժամանակահատվածում կտրուկ նվազել են։ Վիճակագրական կոմիտեի տվյալներով՝ արտահանումը կազմել է շուրջ 4 միլիարդ 430 միլիոն դոլար, ինչը նախորդ տարվա նույն ժամանակահատվածի համեմատ պակաս է գրեթե կեսով՝ մոտ 4 միլիարդ 400 միլիոն դոլարով կամ 49,6 տոկոսով։

2025 թվականի մարտի 16-ից սկսած Հայաստանը պաշտոնապես իրավունք ստացավ դեպի Եվրոպական Միության երկրներ արտահանել ձկներ և դրանց արտադրանքը։ Այն ժամանակ Սննդամթերքի անվտանգության տեսչական մարմնի ղեկավարի տեղակալ Տիգրան Պետրոսյանը նշել էր, որ ԵՄ գործընկերների հետ 8 տարի տևած աշխատանքի արդյունքում վերջապես հայկական արտադրության ձուկն ու ձկնամթերքը կարող է արտահանվել ԵՄ շուկա 4-5 օրվա ընթացքում։

Հայաստանում օգոստոս ամսին Սննդամթերքի անվտանգության տեսչական մարմինը կասեցրել է 25 սննդի օբյեկտի արտադրական գործունեություն։ Հետաքրքիր է, որ արտադրող ընկերություններից միայն 18-ն են վերացրել խախտումներն ու շարունակել իրենց արտադրությունը։ Հիմնականում ՍԱՏՄ-ն ստուգումներ է իրականանցում հացի ու կաթնամթերքի արտադրամասերում։ Դրանցից շատերն ունեցել են սանիտահարահիգիենիկ խախտումներ։ Կարևոր է, որ նշել, որ տեսչական մարմինը ֆեյսբուքյան պաշտոնական էջում ոչ միայն հայտնում է արտադրամասերի գործունեության կասեցման, այլև դրանց վերսկսման մասին։

2025 թվականի առաջին յոթ ամիսներին Հայաստանը ԵԱՏՄ երկրներին արտահանել է մոտ 1 միլիարդ 788 միլիոն դոլարի ապրանք։ Այն 42 միլիոնով կամ 2.4%-ով ավելին է, քան նախորդ տարվա նույն ժամանակահատվածում։ Տվյալները հրապարակել է Հայաստանի էկոնոմիկայի նախարար Գևորգ Պապոյանը։

Հաջորդ հինգ տարիներին՝ մինչև 2030 թվականը, Հայաստանը պատրաստվում է լուրջ փոփոխությունների արտահանման ոլորտում։ Կառավարությունը հաստատել է նոր արտահանման խթանման ռազմավարություն։ Դրա շրջանակում մոտակա հինգ տարում նախատեսվում է ծախսել շուրջ 98 միլիարդ դրամ (ավելի քան 250 միլիոն դոլար)՝ տնտեսության շարժիչ ուժը դարձնելու տեղական արտահանումը։