Փաշինյանը նշել է, թե Գյումրիում երբ տեղի կունենան քաղաքապետի ընտրությունները
Գյումրիում դեկտեմբերի 8-ին, 9-ին, 10-ին կկայանան նախնական ընտրություններ։ Սրա մասին ֆեյսբուքյան էջում գրել է վարչապետ Նիկոլ Փաշինյանը։
Փաշինյանը նշել է նաև, թե ինչու է նման որոշման եկել։ Ըստ նրա՝ միանձնյա վարչական որոշմամբ նա չի կարող նշանակում իրականացնել։ Սա է պատճառը, որ առաջիկայում Գյումրիում տեղի կունենան նախնական ընտրություններ։
Առաջիկայում Գյումրիում տեղի կունենան նախնական քվեարկություններ կամ ընտրություն, որն ընդունված է միջազգայնորեն անվանել «փրայմըրիս»։ Մենք կխնդրենք ՔՊ անդամների, համակիրների, համախոհների շրջանակից, որ առաջադրվեն կամ ինքնառաջադրվեն թեկնածուներ, նրանց քաղաքական որոշակի չափանիշներով կգրանցենք, ոմանց գրանցումը հնարավոր է մերժենք, որից հետո Գյումրիի բնակիչների շրջանում, իհարկե՝ ոչ բոլորի, որոշակի սկզբունքով, ինչ-որ առումով նաև պատահականության սկբունքով, կիրականացնենք քվեարկություն։ Դրանց արդյունքով հաղթած թեկնածուին կնշանակեմ Գյումրիի քաղաքապետի պաշտոնակատար։
2024 թվականի հոկտեմբերի 24-ին Գյումրիի քաղաքապետ Վարդգես Սամսոնյանը հրաժարական էր տվել։ Գյումրիում իշխող ուժը «Բալասանյան» դաշինքն էր։ Քաղաքապետի հրաժարականի որոշումը, նշվում է, ընդունվել է դաշինքի հետ սերտորեն կապված նախկին քաղաքապետ Սամվել Բալասանյանի, նրա որդու և ևս երեք մերձավորների նկատմամբ քրեական հետապնդումից հետո։ Քննչականը Սև բերդի հարակից հողատարածքների օտարման գործով որոշել է ձերբակալել Գյումրիի նախկին քաղաքապետին։