Արթուր Պողոսյանը նշանակվեց ՔԿ նախագահ, Էդուարդ Հակոբյանը՝ ՊԵԿ նախագահ
Արթուր Պողոսյանը նշանակվել է Քննչական կոմիտեի նախագահ, Էդուարդ Հակոբյանը՝ Պետական եկամուտների կոմիտեի նախարար։ Այս մասին նոյեմբերի 28-ի նիստում հայտարարել է Նիկոլ Փաշինյանը։
Եվ պարոն Պողոսյանը, և պարոն Հակոբյանը նոր մարդիկ չեն։ Պարոն Պողոսյանն արդեն շուրջ երկու տարի գլխավոր դատախազի տեղակալն է, իսկ պարոն Հակոբյանն արդեն շուրջ երկու տարի ֆինանսների նախարարի տեղակալն է։ Դրանից առաջ նրանք երկուսն էլ աշխատել են իրավապահ համակարգում, — նշել է Փաշինյանը։
Արթուր Պողոսյանը այդ պաշտոնում փոխարինել է Արգիշտի Քյարամյանին։ Վերջինս հրաժարական էր տվել նոյեմբերի 18-ին։ Արթուր Պողոսյանը եղել է նաև Ազգային անվտանգության ծառայության քննչական դեպարտամենտի ղեկավար։ Արթուր Պողոսյանը նշել է, որ մասնագիտական փորձ, ամբողջ ներուժը և գիտելիքները ծառայեցնելու է Հայաստանում օրինականության ամրապնդմանը և քրեական արդարադատության ոլորոտում հասարակության սպասելիքների արդարացմանը։
Էդուարդ Հակոբյանը ՊԵԿ-ի նախարարի պաշտոնում փոխարինել է Ռուստամ Բադասյանին։ Վերջինս նույնպես հրաժարական էր տվել նոյեմբերի 18-ին։