Հունվարի 1-ից խոզերի ներմուծումը Հայաստան դադարեցվել է
Հունվարի 13-ին տեղի ունեցած ասուլիսի ժամանակ Էկոնոմիկայի նախարար Գևորգ Պապոյանը հայտարարել է, որ հունվարի 1-ից ժամանակավոր կիրառվել են սահմանափակումներ՝ կապված Հայաստան ներմուծվող խոզերի գլխաքանակի հետ։ Որոշման հիմնական նպատակը տեղական խոզաբուծությունը զարգացնելն է, որովհետև, ըստ նախարարի, այն վերացման եզրին է արդեն։
Սահմանափակումները կկիրառվեն 6 ամսով։ Հաշվի առնելով ներկրված կենդանի խոզերի աճող քանակը՝ որոշվել է սահմանափակել ներմուծվող խոզերի թիվը՝ սահմանելով առավելագույնը 25 հազար գլուխ։ Ներկրումները հիմնականում իրականացվում են Բելառուսի Հանրապետությունից և Ռուսաստանի Դաշնությունից։ Հայաստանում ազգաբնակչության կողմից խոզի մսի միջին օրական սպառումը կազմում է 82 տոննա, որից 40-42 տոննա թարմ և պաղեցված խոզի միսն ամբողջությամբ ապահովվում է տեղական արտադրության հաշվին։ Հայաստանի Հանրապետությունում խոզի արտադրությամբ զբաղվում են շուրջ 80 խոշոր և միջին մասնագիտացված տնտեսավարող սուբյեկտներ, որոնցում առկա է հանրապետությունում բուծվող խոզերի ավելի քան 70%-ը։
Արտահանման ժամանակավոր արգելք է սահմանվել նաև ցորենի, գարու, եգիպտացորենի, արևածաղկի սերմի, հնդկացորենի, կատալիզատորների, ցեմենտի և այլնի հետ կապված։
Սրանք մի դեպքում ինքնաբավության պահպանման համար են, մեկ այլ դեպքում՝ տարբեր խնդիրների լուծման։ Օրինակ՝ կատալիզատորների դեպքում զանգվածային գողություններ էին տեղի ունենում։ Ես ոստիկանություն հարցում եմ ուղարկել ու պարզվել է, որ այս տարի12 անգամ կատալիզատորի գողությունը նվազել է։ Այսինքն՝ մենք փակել ենք կատալիզատորի ներմուծումը և 12 անգամ կատալիզատորի գողությունը նվազել է։