Նախատեսվում է փոփոխություններ կատարել միասնական տոմսային համակարգի փաթեթներում

Ավագանու նիստում կքննարկվի միասնական տոմսային համակարգի փաթեթներում փոփոխություններ կատարելու նոր ծրագիրը։ Առաջարկվել է, որ

— Թոշակառուներին տրվող զեղչը վերաբերի բոոր քաղաքացիներին, անկախ նրանց գրանցման վայրից (նախկինում փաթեթից կարող էին օգտվել միայն Երևանում գրանցված թոշակառուները),

— Անապահովության նպաստառուները նույնպես ստանան զեղչ, անկախ գրանցման վայրից,

— 4 և ավել երեխա ունեցող ծնողները բոլոր պայմաններում ստանան զեղչ (ներկայումս զեղչը գործում է միայն այն ժամանակ, եթե բոլոր երեխաները անչափահաս են)։

Երբ որ ես ասում եմ քննարկվելու է, այսինքն՝ «Քաղաքացիական պայմանագիր» կուսակցությունը այս առաջարկությունը անելու է, մենք նաև «Հանրապետություն» խմբակցության մեր գործընկերների հետ պետք է վերջնականացնենք այս հարցերը, և կարող եմ ասել, որ ամենայն հավանականությամբ այս որոշումները ընդունվելու են, — հայտարարել է Սուրեն Գրիգորյանը։

Օրեր առաջ նոր փոփոխություններ էին արվել նաև գնային համակարգում։

— 10 ուղևորության համար 2000 դրամ՝ օգտագործման ժամկետը 45 օր, ներկայիս 2200 դրամի և 30 օրվա փոխարեն,

— Մեկ ուղևորատոմսի համար 300 դրամ՝ օգտագործման ժամկետը 180 րոպե, ներկայիս 90 րոպեի փոխարեն,

— 1 օրվա համար 900 դրամ՝ անսահմանափակ ուղևորություններ, ներկայիս 8 ուղևորափոխադրման սահմանափակման փոխարեն,

— 7 օրվա համար 5000 դրամ՝ անսահմանափակ ուղևորափոխադրումներ, ներկայիս 30 ուղևորափոխադրման սահմանափակման փոխարեն։