Հայկական ապրանքները կստանան ազգային աշխարհագրական նշումներ
Հայաստանի կառավարությունը քննարկում է «Հայկական բաստուրմա», «Հայկական մածուն» և այլ ապրանքների համար ազգային աշխարհագրական նշումների գրանցումն ու պաշտպանությունը։ Այս մասին մարտի 25-ին Ազգային ժողովի Եվրոպական ինտեգրման հարցերի հանձնաժողովի նիստում հայտնել է ՀՀ էկոնոմիկայի նախարարի տեղակալ Նարեկ Հովակիմյանը։ Արդեն մի քանի ապրանքներ վերաբրենդավորվել են, որոնց թվում է նաև հայկական կոնյակը։
Կոնյակի աշխարագրական նշումի սահուն օգտագործման մասով ունենք տեխնիկական աջակցություն՝ 2․9 միլիոնի չափով, որը կօգնի ոչ միայն վերաբրենդավորմանը, այլև աշխարհագրական նշումը։ Դե գիտեք, որ «կոնյակ» բառի փոխարեն ընտրվել է «Armenian brandy»-ի, — նշել է Նարեկ Հովակիմյանը։
Ազգային աշխարհագրական նշումների խնդիրը Հայաստանում կրկին ուշադրության կենտրոնում է հայտնվել 2022 թվականին, երբ Վրաստանը արգելեց հայկական մածունի արտահանումը Ռուսաստան իր տարածքով՝ պատճառաբանելով, որ «մածոնի»-ն գրանցված է որպես վրացական աշխարհագրական նշում։ Հայկական արտադրողները ստիպված էին այն արտահանել որպես «Հայկական լեռնային յոգուրտ»։
Նույն թվականին Հայաստանի Ազգային ժողովը քննարկեց և երկրորդ և վերջնական ընթերցմամբ ընդունեց օրենքի նախագիծ, որը կառավարությանը թույլ է տալիս գրանցել ազգային աշխարհագրական նշումով ապրանքները։ Սույն օրենքն ուժի մեջ է մտել 2022 թվականի նոյեմբերի 11-ից։