System of a Down խմբի անդամներից մեկը քննադատել է Նիկոլ Փաշինյանին, ապա հեռացրել հրապարակումը
System of a Down խմբի բաս կիթառահար Շավո Օդաջյանը Instagram-ի էջում հրապարակել է վարչապետ Նիկոլ Փաշինյանի լուսանկարն՝ այն ծածկելով կարմիր խաչով։ Նկարին կցված գրառմամբ երաժիշտը հայտարարել է.
Լացս գալիս է, երբ տեսնում եմ, որ ինչ-որ մեկը ջնջում է ցեղասպանության պատմությունը։ Ով դա անում է՝ արժանի է մահվան։
Օդաջյանը ավելի ուշ հեռացրել է թե՛ նկարը, թե՛ գրառումը, սակայն մինչ այդ այն հասցրել է լայն տարածում ստանալ սոցիալական ցանցերում և մեդիայում։
Երաժիշտի քայլը հասարակական մեծ արձագանք է ստացել։ Այս պահի դրությամբ հրապարակման հեռացման պատճառների վերաբերյալ որևէ մեկնաբանություն չի հնչել։