Պուտինն առաջարկել է ընդյալնել միջուկային զենքի կիրառման պայմանները
ՌԴ նախագահ Վլադիմիր Պուտինն առաջարկել է մի շարք փոփոխություններ կատարել միջուկային զենքի կիրառման պայմանների սահմանման մեջ: Այս մասին հայտնում են Կրեմլից։
Միջուկային զսպման հարցերով մշտական խորհրդաժողովի Անվտանգության խորհրդի նիստում Պուտինն առաջարկել է միջուկային պետության մասնակցությամբ կամ աջակցությամբ որևէ այլ ոչ միջուկային երկրի ագրեսիան Ռուսաստանի դեմ համարել համատեղ հարձակում Ռուսաստանի Դաշնության վրա։
Թարմացված տարբերակում նշվում է, որ ԱԹՍ-ների և հրթիռների զանգվածային արձակման և սահմանը հատելու մասին հավաստի տեղեկատվություն ստանալուց հետո Մոսկվան կարող է միջուկային զենք կիրառել։
Ռուսաստանը իրեն իրավունք է վերապահում օգտագործել միջուկային զենք Ռուսաստանի կամ Բելառուսի՝ որպես միութենական պետության անդամի դեմ ագրեսիայի դեպքում։
Պուտինն ընդգծել է, որ բոլոր հարցերը համաձայնեցված են բելառուսական կողմի հետ և հավելել, որ զենքը կօգտագործվի այն դեպքում, երբ հակառակորդը սպառնալիք հանդիսանա այդ երկրների ինքնիշխանության համար։
Շուշան Ասրյան