Ազատի զինվորական կացարանի ողբերգական հրդեհի երկու մեղադրյալների նկատմամբ տնային կալանքը հանվեց
Գեղարքունիքի մարզի դատարանը այսօր որոշում կայացրեց՝ Ազատի զինվորական կացարանի հրդեհի գործով մեղադրյալներ Գոռ Աղեկյանի և Մառլեն Սարգսյանի նկատմամբ կիրառված տնային կալանքը հանելու մասին։ Սակայն գրավի և բացակայելու արգելքի որոշումը դատարանը անփոփոխ է մնացել։
Հաջորդ դատական նիստը նշանակվել է սեպտեմբերի 5-ին։ Դատարանը որոշել է այդ նիստին հրավիրել նաև վկաներ Արմեն Նազարյանին, Կամո Ավագյանին և Երանուհի Գրգորյանին։
Հիշեցնենք՝ 2023 թվականի հունվարի 19-ին՝ ժամը 01:30-ի սահմաններում, Գեղարքունիքի մարզի Ազատ գյուղում տեղակայված ՀՀ ՊՆ ինժեներասակրավորային վաշտի կացարանում հրդեհ բռնկվեց։ Մահացավ 15 զինծառայող, ևս 7-ը ստացան տարբեր աստիճանի վնասվածքներ։
Դեպքից հետո պաշտոնանկ արվեցին 2-րդ բանակային կորպուսի հրամանատարն ու մի շարք բարձրաստիճան սպաներ։ Քննչական մարմինները գործ են հարուցել՝ հրդեհային անվտանգության կանոնների խախտման և պաշտոնեական անփութության մեղադրանքով։ Ներառված են մի քանի զինվորականներ, այդ թվում՝ Եղիշե Հակոբյանը և վաշտի հրամանատար Գ.Մ.-ն։