Ի՞նչ իրավիճակ է Հայաստանի ավտոճանապարհներին

Հունվարի 20-ի ժամը 21:00-ի դրությամբ, Հայաստանում կան դժվարանցանելի ճանապարհներ, իսկ Վերին Լարսը փակ է բոլոր տրանսպորտային միջոցների համար։ Ավտոմեքենաների վարորդները պետք է զգոն լինեն՝ մերկասառույցի վտանգի պատճառով։

Հունվարի 20-ի գիշերը և հունվարի 21-ի առավոտյան հանրապետության ճանապարհների զգալի մասում հնարավոր է սահուն մերկասառույց, ինչի պատճառով սպասվում են դժվարություններ երթևեկության համար։ Ճանապարհային դեպարտամենտից հայտնում են, որ ճանապարհների սպասարկման կազմակերպությունները շարունակում են մաքրման և աղ-ավազով մշակման աշխատանքները, որպեսզի ապահովեն երթևեկության անվտանգությունը։

Մեղրու լեռնանցքը, Վանաձոր-Դիլիջան հատվածը, Ջերմուկի խաչմերուկից մինչև Կապան ճանապարհը և Լուսաշող-Լանջառ ճանապարհը փակ են կցորդով տրանսպորտային միջոցների համար։ Վարդենյաց լեռնանցքը նույնպես փակ է կցորդով մեքենաների համար, իսկ մնացած տրանսպորտային միջոցների համար այն դժվարանցանելի է։

Արագածի և Արթիկի տարածաշրջաններում առկա է բուք, իսկ Ապարանի, Արագածի, Սևանի, Դիլիջանի, Ճամբարակի, Մարտունու, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի և Ամասիայի ավտոճանապարհների որոշ հատվածներում տեղ-տեղ առկա է մերկասառույց։

Վարորդներին խորհուրդ է տրվում ցուցաբերել զգոնություն, երթևեկել ցածր արագությամբ և օգտագործել ձմեռային անվադողեր կամ շղթաներ՝ անվտանգ շարժի համար։