Գարեգին Բ-ն ընդունել է ԶՈՒ հոգևոր սպասավորներին
Մայր Աթոռի փոխանցմամբ՝ փետրվարի 6-ին Գարեգին Երկրորդ Կաթողիկոսն ընդունել է ՀՀ զինված ուժերի գնդերեց քահանա հայրերին, որոնց ծառայությունը դադարեցվել է փետրվարի 1-ից:
Հանդիպման ընթացքում Կաթողիկոսը գնահատել է հոգևոր սպասավորների ծառայությունը՝ հորդորելով նրանց շարունակել իրենց առաքելությունը ծառայության նոր վայրերում՝ նվիրումով և պատասխանատվությամբ:
Գարեգին Բ-ի կողմից կատարվել են նաև սպասավորների նոր նշանակումները զինված ուժերում:
Հիշեցնենք, որ Պաշտպանության նախարար Սուրեն Պապիկյանը հրապարակած հրամանով՝ ավելի քան 20 տարի հոգևոր ծառայությունը կատարած Հոգևոր առաջնորդությունը լուծարվել է փետրվարի 1-ից։
Պապիկյանը հայտարարել էր, գնդերեցները նախկինում ենթարկվում էին Մայր աթոռին, իսկ դեմ լինելու դեպքում Մայր աթոռը կարող է դատարան դիմել։
