200 մլն դոլարի ներդրում՝ հյուրանոցային ոլորտում
Միջազգային հեղինակավոր հյուրանոցային ցանցը՝ Wyndham Hotels & Resorts-ը, մուտք է գործում հայկական շուկա՝ շուրջ 200 մլն դոլարի ներդրումով՝ համագործակցելով GRP Development Company-ի հետ։
Նախագծի շրջանակում նախատեսվում է կառուցել հյուրանոցային նոր համալիրներ Ծաղկաձորում, Դիլիջանում, Սևանում և Երևանում։
Առաջինը՝ Wyndham Grand Tsaghkadzor-ը, նախատեսվում է բացել 2026 թվականի մայիսին։
Ծրագրի իրականացումը միտված է Հայաստանում ժամանակակից զբոսաշրջային ենթակառուցվածքների զարգացմանը, միջազգային չափանիշներին համապատասխան ծառայությունների ներդրմանը և ոլորտի մրցունակության բարձրացմանը։
Նման խոշոր ներդրումները ոչ միայն խթանում են զբոսաշրջության աճը, այլև ստեղծում են նոր աշխատատեղեր, ակտիվացնում հարակից ոլորտները և նպաստում երկրի տնտեսական զարգացմանը։
