Սենատում ներկայացվել է արցախահայերի էթնիկ զտումները դատապարտող նախագիծ
Ամերիկյան սենատում ներկայացվել է նախագիծ, որի բանաձևը դատապարտում է Արցախում էթնիկ զտումները և պահանջում վերադարձի իրավունքի իրացում։
ՀՅԴ Բյուրոյի Հայ դատի կենտրոնական գրասենյակը հաղորդում է, որ ամերիկյան սենատորներ Գարի Փեթերսը և Բիլ Քեսիդին են ներկայացրել երկկուսակցական համապարփակ նախագիծ Սենատում։
Նախագծում կոչ է արվում Ալիևի ցեղասպան ռեժիմի դեմ սահմանել համապատասխան պատժամիջոցներ, անհապաղ ազատ արձակել ապօրինաբար գերության մեջ պահվող հայերին։ Նաև հորդորվում է ԱՄՆ կառավարությանը դադարեցնել Ադրբեջանին ռազմական օգնության տրամադրումը և օժանդակել արցախահայության վերադարձի իրավունքի ապահով իրացմանը։
Ադրբեջանը պատանդ է պահում Եվրոպային էներգիայի պատճառով, բայց Լուիզիանայում բավականաչափ էներգիա կա Եվրոպայի կարիքները բավարարելու համար: Աշխարհը չի կարող հանդուրժել բռնապետին, — հավելում է բանաձևի համահեղինակ Բիլ Քեսիդին։