Վանաձորում երկու եղբայր կասկածվում են հանցավոր կազմակերպություն ստեղծելու մեջ
Վանաձորում երկու եղբայր կասկածվում են հանցավոր կազմակերպություն ստեղծելու և համաքաղաքացիներին ներգրավելու մեջ՝ հանրապետության տարբեր վայրերում հանցագործություններ ծրագրելու և իրականացնելու նպատակով։ Այս մասին հայտնում է ՀՀ ՆԳՆ ոստիկանության մամուլի ծառայությունը։
Մարտի 3-ին, հերթական հանցանքը կատարելուց հետո, Լոռու քրեական ոստիկանները կանգնեցրել են «Ռենո» և «Շևրոլե» մակնիշի ավտոմեքենաները, որոնցում եղել են եղբայրներն ու ևս հինգ հոգի։ Ձերբակալվածների մոտ Արջնհովիտ գյուղի տներից մեկում, հայտնաբերվել էր գողոնը։
Նախաքննությամբ պարզվել է, որ արտերկրում բնակվող քրեական ենթամշակույթ կրող անձը, օգտագործելով եղբայրների ազդեցությունը, պահանջել է Գեղարքունիքի մարզի Զոլաքար գյուղի մի բնակչի վերադարձնել պարտքը՝ տալով 300 հազար ռուսական ռուբլի գումարը կամ ավտոմեքենան։ Եղբայրները, կիրառելով քրեական ենթամշակույթի ձևավորված վարքագիծը, կազմակերպել են հավաք և պարզաբանումներ անցկացրել նշված անձի հետ՝ վերցնելով պարտքի կեսը։
Դեպքի առթիվ հարուցվել է քրեական վարույթ՝ քրեական ենթամշակույթում խմբավորման մասնակցության կամ ներգրավվելու հատկանիշներով։ Եղբայրները կալանավորված են, նախաքննությունը շարունակվում է։
