Իրանցի հաքերները գողացել են տեղեկություններ Թրամփի նախընտրական շտաբից և դրանք ուղարկել Ջո Բայդենին
Սեպտեմբերի 18-ին իրանցի հաքերները ԱՄՆ-ի նախագահի թեկնածու Դոնալդ Թրամփի նախընտրական քարոզարշավից գողացված նյութեր են ուղարկել Ջո Բայդենին։ Կիբերանվտանգության և ենթակառուցվածքների անվտանգության գործակալությունը, Հետախուզության դաշնային բյուրոն և Ազգային հետախուզության տնօրենի գրասենյակը համատեղ հայտարարությամբ են հանդես եկել, նշելով, որ հաքերները դրանք ինքնակամ են հանձնել։
Մի խումբ իրանցի հաքերներ իրենց սեփական նախաձեռնությամբ նամակներ են ուղարկել նախագահ Բայդենի նախընտրական շտաբի հետ առնչություն ունեցող անձանց։ Դրանք Թրամփի քարոզարշավից գողացված, ոչ հրապարակային նյութեր են եղել։
Նամակների կոնկրետ բովանդակության մասին մանրամասն տեղեկություններ չկան։
Սա Իրան-ԱՄՆ կիբերհարձակումների առաջին օրինակը չէ։ Դեռևս օգոստոսին ԱՄՆ-ն մեղադրում էր Իրանին՝ նախագահի թեկնածուներ Քամալա Հարիսի և Դոնալդ Թրամփի դեմ կիբերհարձակումներ իրականացնելու մեջ։ Իր հերթին՝ Իրանը մի քանի անգամ հայտարարություններ է տարածել այն մասին, որ ԱՄՆ-ն կիբերհարձակում է իրականացրել իրանական միջուկային օբյեկտների համակարգիչների վրա։
Այնուամենայնիվ, Իրանը բազմիցս հերքել է այդ տեղեկությունները և նշել, որ «Թեհրանը նախագահական ընտրություններին միջամտելու ո՛չ նպատակ, ո՛չ շարժառիթ ունի»։