Day: 27/12/2024

Կառավարությունը դեկտեմբերի 27-ի նիստի ժամանակ որոշել է երկարացնել Արցախից բռնի տեղահանված ընտանիքների բնակարանային ապահովման պետական աջակցության ծրագրի առաջին փուլի դիմումների ներկայացման վերջնաժամկետը։ Այն երկարաձգվում է մինչև 2025 թվականի դեկտեմբերի 31-ը։

2025 թվականի հունվարի 1-ից հիփոթեքային վարկի գծով եկամտային հարկի վերադարձի գործընթացում կլինեն մի քանի փոփոխություններ, որոնք վերաբերելու են, բացառապես, 2025 թվականի հունվարի 1-ից հետո ստացված հիփոթեքային վարկերին, իսկ մինչ այդ հիփոթեքային վարկ ստացած շահառուներին փոփոխությունները չեն վերաբերի։ Սրա մասին տեղեկացրել է Պետական եկամուտների կոմիտեն։