Ռուսաստանը զգուշացրել է Վաշինգտոնին «չխաղալ կրակի հետ»
ՌԴ Արտաքին գործերի նախարարությունը մեկնաբանություն է հրապարակել՝ կապված Կիևի կողմից քիմիական զենքի օգտագործման հետ։
Ռուսաստանը մեղադրում է ուկրաինական զինված ուժերին առ այն, որ հակամարտության ընթացքում վերջինս թունավոր քիմիական նյութեր է օգտագործել՝ խախտելով միջազգային կոնվենցիաները: Ռուսաստանը պնդում է, որ այդ գործողություններին աջակցում են արևմտյան երկրները, և ՆԱՏՕ-ն Ուկրաինային մատակարարել է թունավոր նյութեր հայտնաբերելու ժամանակակից սարքավորումներ։ Դրա նպատակը, ըստ Ռուսաստանի, իրեն սադրանքների նախապատրաստման մեջ մեղադրելն է։
Զգուշացնում ենք Վաշինգտոնին և նրա արբանյակներին «կրակի հետ չխաղալ», որպեսզի վերջնականապես չքանդեն 1997 թվականից կառուցած «Քիմիական զենքի կոնվենցիա»-ի ռեժիմը։
Ռուսաստանը խոստանում է միջազգային հանրությանը ներկայացնել ուկրաինական խախտումների ապացույցներ։ Նա նաև նշել է, որ իր քաղաքացիների դեմ վերոնշյալ գործողությունների դեպքում Ուկրաինան «կստանան արժանի և անխուսափելի պատիժ»։
Ուկրաինայի կառավարությունը պատերազմի սկսվելուց ի վեր մեղադրել է Ռուսաստանին քիմիական հարձակումների մեջ։ ԱՄՆ-ն պաշտպանել է այդ մեղադրանքները՝ պատժամիջոցներ կիրառելով քիմիական և կենսաբանական զենքի հետ կապված կազմակերպությունների նկատմամբ։
Շուշան Ասրյան