«Եթե Ադրբեջանի ղեկավարն իսկապես ուզում է խաղաղություն, ապա գնդակը վաղուց նրանց դաշտում է»․ Ալեն Սիմոնյան

Ալեն Սիմոնյանը ճեպազրույցի ընթացքում հայտնել է, որ եթե Ադրբեջանի ղեկավարն իսկապես ուզում է խաղաղություն տարածաշրջանում, ապա գնդակը արդեն շատ վաղուց գտնվում է ադրբեջանական դաշտում։

Խաղաղության պայմանագրի մեջ նշված է, որ այն ավելի վեր է լինելու, քան մնացած բոլորի իրավական փաստաթղթերը, ուստի իրավական առումով, շատ անհիմն մեղադրանք է, որ ՀՀ Սահմանադրության մեջ կա Ադրբեջանի հանդեպ տարածքային պահանջ։ Կրկնեմ վարչապետի ասածը, որ հակառակը՝ Ադրբեջանի սահմանադրության մեջ կա նման դրույթ, որը տարածքային պահանջներ է ներկայացնում ոչ միայն ՀՀ-ի, այլ տարածաշրջանի այլ երկների հանդեպ,- նշել է ԱԺ նախագահ Ալեն Սիմնոյանը։

Սիմոնյանը չի բացառում, որ ադրբեջանական կողմը կարող է մի նոր պատճառ գտնել խաղաղության պայմանագիր չկնքելուց։

Եթե Ադրբեջանը տարածքային նկրտումներ չունի, եթե Ադրբեջանի ղեկավարն իսկապես ուզում է խաղաղություն տարածաշրջանում, ապա գնդակը արդեն շատ վաղուց գտնվում է ադրբեջանական դաշտում, սպասում ենք նրանց արձագանքին,- հավելել է Սիմոնյանը։