Խնամքի կենտրոնների աշխատակիցների աշխատավարձը կավելանա 30 տոկոսով
ՀՀ աշխատանքի և սոցիալական հարցերի նախարարության համակարգում գործող խնամքի հաստատությունների աշխատակիցների վարձատրությունը կբարձրանա։ Այդ մասին սոցիալական ցանցում հայտնել է նախարար Արսեն Թորոսյանը։
Նրա փոխանցմամբ՝ փոփոխությունը կվերաբերի երեխաների, տարեցների և հոգեկան առողջության խնդիրներ ունեցող անձանց խնամքի կենտրոններին, ինչպես նաև երեխաների ցերեկային խնամքի ծառայություններին։ Աշխատավարձերի բարձրացումը կգործի ապրիլի 1-ից և կկազմի 30 տոկոս։
Նախարարն ընդգծել է, որ այդ հնարավորությունը ստեղծվել է ֆինանսական կարգապահության և կառավարման արդյունավետության բարձրացման արդյունքում։ Աշխատակիցները բարձրացված աշխատավարձը կստանան մայիս ամսին։
Թորոսյանը նաև նշել է, որ ակնկալում է աշխատանքի որակի բարելավում և վստահեցրել, որ շարունակելու են քայլեր ձեռնարկել ոլորտում աշխատանքային պայմանների զարգացման ուղղությամբ։
