Կեղծ հաղորդագրություններ Signal-ում
Signal մեսենջերի վրա հարձակում է գնում։ Խարդախները փորձում են խաբել և գողանալ օգտատերերի տվյալները։ Հաղորդագրություններում նշվում է, որ ձեր հաշիվը վտանգված է, և, ինչպես միշտ, «պաշտպանություն» ակտիվացնելու նույն տեխնիկան է առաջարկվում։ Արդյունքում՝ անձանց տվյալները կարող են հայտնվել խարդախների մոտ։
Թիրախներին նայելիս, կարելի է ենթադրել, որ պետական կառույց է գործում։ Ընդ որում, հստակ` չարակամ։ Տենց շատ երկիր չկա, նենց որ մոտավորապես պատկերացնում եք։ Գալիս է հաղորդագրություն Սիգնալից, իբր իրենց սպասարկումից։ Վախեցնում են, որ չարագործների փորձում են կոտրել հաշիվը։ Ընդ որում, մի մասի մոտ նշվում է, որ Բաքվից է մուտքը։ Որպեսզի մարդ կտրուկ անհանգստանա ու հետ կապնվի։ Հետո կփորձեն հաշիվը մարդու վրայից տանել, — նշում է մեդիափորձագետ Սամվել Մարտիրոսյանը։
Իսկ ի՞նչ պետք է անել։ Առաջինը՝ Չպետք է խուճապի մատնվել։ Նախ՝ պետք է հասկանալ, որ դա կեղծիք է և չպետք է պատասխանել նմանաբովանդակ նամակների։ Հաջորդը՝ պետք է ակտիվացնել երկփուլային անվտանգությունը և մուտքագրելլ թվային պին-կոդ։
Սոցիալական ցանցերը անընդհատ հայտնվում են նման խմբերի թիրախներում։ Մեդիափորձագետները ահազանգել էին նաև Whatsapp հավելվածում նման հարձակումների մասին։