Իլոն Մասկը ցանկանում է Starlink-ը գործարկել Հայաստանում
SpaceX-ի և Tesla-ի գործադիր տնօրեն Իլոն Մասկը Երևանում կայացած Տեղեկատվական տեխնոլոգիաների համաշխարհային կոնգրեսի (WCIT) 2024 փակման արարողության ժամանակ իր տեսաուղերձում նշեց, որ ցանկանում է Starlink-ը գործարկել Հայաստանում։
Մասկը ի սկզբանե ծրագրել էր տեսաուղերձով հանդես գալ, սակայն փոխարենը նրա հայտարարությունը ուղիղ եթերում ընթերցեց ամերիկահայ ձեռներեց Ռազմիկ Հովագիմյանը։
Իր ուղերձում Մասկը ափսոսում է, որ չի կարողացել անձամբ մասնակցել միջոցառմանը.
Բարև բոլորին, ցավում եմ, որ այս անգամ չեմ կարող հասնել Երևան, բայց հուսով եմ՝ հաջորդ անգամ անձամբ կգամ: Ոգևորված եմ Starlink-ը Հայաստան բերելու և տեղական տեխնոլոգիական համայնքի հետ որոշ հետաքրքիր նախագծերի վրա աշխատելու համար՝ տիեզերքի ուսումնասիրությունից մինչև բաց և թափանցիկ AI-ի զարգացում։
Starlink-ը արբանյակային ինտերնետ ծառայություն է, որն ապահովում է գերարագ ինտերնետ հասանելիություն ամբողջ աշխարհի օգտատերերին: Մասկը հաստատել է, որ ծառայությունը շուտով կգա Հայաստան, ինչը ակնկալվում է, որ զգալիորեն կբարելավի ինտերնետ կապը, հատկապես հեռավոր շրջաններում։