Պայթյուն Իրանի հանքերից մեկում
Անցյալ գիշեր Իրանի Հարավային Խորասան նահանգի Տաբասի ածխահանքում տեղի ունեցած պայթյունի հետևանքով առնվազն 31 մարդ է զոհվել: Հաղորդվում է 17 վիրավորի մասին։ Եվս 21 աշխատող համարվում են անհետ կորած։
Պայթյունը տեղի է ունեցել ածխահանքում մեթան գազի հանկարծակի արտանետման պատճառով։ Այդ ժամանակ հանքում աշխատել է 69 բանվոր։
Իրանի նախագահ Մասուդ Ալ Փեզեշքիանը ցավակցություն է հայտնել հանգուցյալների ընտանիքներին և հրամայել անհապաղ հետաքննություն սկսել։