Իսրայելը նոր հարվածներ է հասցրել Լիբանանին

Իսրայելը սեպտեմբերի 19-ին սկսել է հարվածներ հասցնել Լիբանանի հարավում գտնվող «Հըզբոլլահի» դիրքերին և զինապահեստներին։ Իսրայելական լրատվամիջոցները հայտնում են, որ սկսվել է իսրայելա-լիբանանյան երրորդ պատերազմը։ Այս տեղեկությունները հաստատում են նաև Իսրայելի պաշտպանության նախարարությունից։

ՑԱԽԱԼ-ի հրահանգով Իսրայելի ռազմաօդային ուժերը հարվածներ են հասցրել «Հըզբոլլահի» մոտ 30 արձակման կայանների և ավելի քան 150 ահաբեկչական կառուցվածքների վրա, որոնք պատրաստվում էին հարվածել Իսրայելի տարածքին։ Բացի այդ՝ Իսրայելի պաշտպանության բանակը հարվածներ է հասցրել նաև Լիբանանի հարավում տեղակայված «Հըզբոլլահ»-ի ենթակառուցվածքներին և զենքի պահեստին, — նշել են նախարարությունից։

Իսրայելի պաշտպանության նախարար Յոավ Գալանտը նույնպես հայտարարել էր պատերազմի մասին և նշել, որ Գազայի հատվածում տեղակայված 98-րդ դիվիզիան տեղափոխվելու է երկրի հյուսիս՝ Լիբանանի հետ սահման։

Իր հերթին՝ մինչև հարձակումը «Հըզբոլլահի» առաջնորդ Հասան Նասրալլահը հայտարարել էր, որ փեյջերների պայթեցմամբ Իսրայելը անցել է բոլոր «կարմիր գծերը»։ Նա նշել է, որ խմբավորումը պատասխան հարված կհասցնի այդ գործողությունների համար:

Սաթենիկ Ավետիսյան