Ստեփանծմինդա–Լարս ավտոճանապարհը փակ է․ ի՞նչ իրավիճակ է Հայաստանի ճանապարհներին
Փրկարար ծառայությունը տեղեկացնում է, որ Հայաստանի տարածքում ավտոճանապարհները հիմնականում անցանելի են, սակայն կան փակ և դժվարանցանելի հատվածներ։
Բացի այդ, փակ են Ամբերդ ամրոց և Քարի լիճ տանող ավտոճանապարհները՝ Արագածոտնի մարզում «Ամբերդ» բարձրլեռնային օդերևութաբանական կայանից վերև ընկած հատվածում։
Վարդենյաց լեռնանցքը դժվարանցանելի է նաև կցորդիչով տրանսպորտային միջոցների համար։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տվյալներով՝ Ստեփանծմինդա-Լարս անցակետ ավտոճանապարհը փակ է բոլոր տեսակի տրանսպորտային միջոցների համար։
