Նոյեմբերի 1-ից նոր օրենքներ կգործեն հանրային տրանսպորտից օգտվողների համար
2024 թվականի նոյեմբերի 1-ից հասարակական տրանսպորտից, մասնավորապես՝ MAN, ZhongTong և GazelCity մակնիշի ավտոբուսներից օգտվելիս պարտադիր պայման է լինելու կա՛մ 100 դրամանող մետաղադրամի առկայությունը, կա՛մ ավտոբուսում տեղադրված վճարային համակարգով QR կոդի միջոցով վճարում իրականացնելը։ Այս մասին իր ֆեյսբուքյան էջում գրել է քաղաքապետի մամուլի խոսնակ Հայկ Կոստանյանը։
Նպատակը նախևառաջ հնարավոր ստվերային շրջանառությունը կանխելն է, այդպիսով՝ վարորդներին իրենց հիմնական գործից չշեղելը, ինչպես նաև հունվարի 1-ից սպասվող միասնական տոմսային համակարգին անցում կատարելուն նախապատրաստվելը։
Ծրագրով նախատեսվում է ամբողջովին վերացնել առձեռն գումարների հանձնումը վարորդներին։ Տվյալներ են ներկայացվել նաև, որ վերջին 4 ամիսների ընթացքում «Երևան ավտոբուս» ընկերության հասույթը շուրջ 3․9 տոկոսով գերազանցել է նախորդ 4 ամիսների ցուցանիշները։
Այս տարվա սեպտեմբերի աշխատանքայի օրերին հավաքագրվում է շուրջ 30-32 միլիոն դրամ։