ԱՄՆ նախագահ Ջո Բայդենը նամակ է ուղարկել Նիկոլ Փաշինյանին
Հայաստանի վարչապետ Նիկոլ Փաշինյանը հոկտեմբերի 22-ին ընդունել է ԱՄՆ նախագահի հատուկ օգնական Մայքլ Քարփենթերին և Կովկասյան բանակցությունների ավագ խորհրդական Լուիս Բոնոյին։ Զրուցակիցները քննարկել են Հայաստան-Ադրբեջան խաղաղության պայմանագրի վերաբերյալ մի շարք հարցեր։ Այս մասին տեղեկություն է տարածել ՀՀ կառավարությունը։
Բացի այդ, Քարփենթերին Փաշինյանին է հանձնել ԱՄՆ նախագահ Ջո Բայդենի նամակը, որում նույնպես անդրադարձ կա խաղաղության համաձայնագրին։ Մասնավորապես, նամակի մեջ նշված է, որ Միացյալ Նահանգները պատրաստ է աջակցել երկու երկրների միջև եղած դարավոր հակամարտությունը կարգավորող կայուն և արժանապատիվ խաղաղության համաձայնագրին։
Ինչպես գիտեք, խաղաղության համաձայնագրի մնացած հոդվածների վերջնականացումը կպահանջի համառություն, հնարամտություն և փոխզիջում: Բայց հայրենասիրությունը քաղաքականությունից վեր դասելով՝ Դուք խիզախորեն և հետևողականորեն ընտրել եք խաղաղության ուղին, և ես Ձեզ քաջալերում եմ այս տարի վերջնական տեսքի բերել պայմանագիրը, — ասված է հաղորդագրության մեջ։
Հայաստան-Ադրեջան հարաբերությունների կարգավորման վերաբերյալ Քարփենթերը հանդիպել է նաև ՀՀ արտգործնախարար Արարատ Միրզոյանի հետ։