Ներկայացվել է Արցախի նյութական կորուստների վիճակագրությունը
Առաջին անգամ «Genesis Armenia» կազմակերպությունը ներկայացվել է Արցախի կորստից հետո նյութական կորուստների նախնական վիճակագրությունը։ Նման տեղեկատվության հրապարակման հիմնական նպատակներից մեկը Արցախ վերադարձի դեպքում համեմատականներ տանելն ու Ադրբեջանի ոճրագործությունների մասին միանգամից արձագանքելն է։ Այս մասին իր խոսքում ասել է Արցախի Ազգային ժողովի պատգամավոր Արմեն Սարգսյանը․
Հեռու ենք այն մտքից, որ զեկույցը ամբողջովին արտացոլում է Արցախի նյութական կորուստների վիճակագրությունը։ Բայց սա սկիզբն է և առաջին սկիզբը։ Մենք վստահ ենք, որ հետագայում տարբեր կազմակերպություններ և օղակներ կսկսեն ավելի խորությամբ ուսումնասիրել այս վիճակագրությունը և ավելի ճշգրիտ թվեր կստանան։ Դրանք կարևոր են նաև միջազգային հարթակներում մեր կորուստները և ադրբեջանցիների ոճրագործությունները ներկայացնելու համար։
Արցախում են մնացել 9 մշակութային կենտրոններ, 200 մշակույթի տներ, 156 գրադարաններ, 25 թանգարաններ, 11 արվեստի դպրոց, 2 թատրոն։ Արմեն Սարգսյանը նշել է նաև, որ Արցախի ժառանգության մեծ մասը փոխանցվել է միջնադարից և 18-րդ դարից։ Ներկայացվել է, որ Արցախում են մնացել շուրջ 5000 հուշարձաններ, 2385 խաչքարեր, 400 միջնադարյան գերեզմաններ, 385 եկեղեցիներ և 60 վանական համալիրներ։
Արցախում ունեցել ենք 4 ջրամբար և 5 ջրանցք։ Մեր առջև խնդիր էր դրված Արցախը դարձնել էլեկտրականությամբ ինքնաբավարարվող։ Մենք համարյա հասել էինք դրան՝ կառուցելով շուրջ 37 ՀԷԿ։ Շրջափակման ժամանակ մեծ նշանակություն ունեցան այս հիդրոէլեկտրակայանները։
2020 թվականին Արցախի բնակչությունը կազմել է 147․000, իսկ 2023 թվականին՝ 107․000։ Թվերը տրամադրվել են Արցախի իշխանությունների կողմից։